Þróttur Vogum eru meistarar í 2. deild karla eftir 2-2 jafntefli gegn Magna í næst síðustu umferð deildarinnar.
Þróttarar voru þegar búnir að tryggja sér sæti í Lengjudeildinni . Leó Kristinn Þórisson kom þeim yfir áður en Angantýr Máni Gautason jafnaði fimm mínútum síðar.
Rubén Lozano Ibancos kom Þrótturum aftur yfir áður en Angantýr jafnaði undir lok leiksins. Þessi úrslit voru nóg þar sem Völsungur og KV gerðu 1-1 jafntefli á Húsavík og Þróttarar því 2. deildarmeistarar árið 2021!
Myndir/ Guðmann Rúnar og Jóna Kristbjörg.
