Flokkur

Sund

Halloweenball Foreldrafélagsins

Með | Fréttir, Íþróttaskóli, Júdó, Knattspyrna, Sund

Foreldrafélag Þróttar hélt glæsilegt Halloweenball um síðustu helgi. Mikið var um flotta búninga, krakkarnir voru ánægðir og skemmtu sér konunglega. Allir sem mættu fengu popp og slush. Hræðilegt draugahús var á staðnum sem skemmti mörgum. Nokkrir einstaklingar fengu verðlaun fyrir flotta búninga og var það alveg greinilegt að mikla vinnu var búið að leggja í suma þeirra. Foreldrafélagið þakkar öllum þeim sem mættu og segja að þetta sé komið til að vera.

Halloweenball

 

Með | Fréttir, Íþróttaskóli, Júdó, Knattspyrna, Sund

Í síðustu viku fór hin svo kallaða Hreyfivika – MOVE WEKK fram um gjörvalla Evrópu. UMFÍ tók þátt í þessu verkefni hér heima og hvatti öll félög til þess að taka þátt í þessu með sér. Við erum rosalega stolt af því að hafa verið með. Var þetta í fyrsta skiptið sem Þróttur tók þátt og er það alveg á hreinu að þetta er komið til að vera. Skólinn, leikskólinn, félagsmiðstöðin og Álfagerði tóku þátt í þessu með okkur. Var meðal annars boðið upp á mömmu og pabbaæfingar, frítt í sund, fjölskyldusamveru í íþróttahúsinu og göngu um Vogana og upp á Stapa.
Hreyfivikan – MOVE WEEK mun fara fram aftur að ári en það þýðir ekki að við megum slá slöku við. Hreyfivikur eiga að vera allt árið um kring ekki bara í Hreyfivikunni sjálfri.
Ungmennafélagið Þróttur vonar að sem flestir hafi notið vikunnar í leik og starfi og þakkar öllum þeim sem tóku þátt í verkefninu fyrir þeirra framlag.

_MG_4003

Hreyfivikan 29. september – 5. október 2014

Með | Fréttir, Íþróttaskóli, Júdó, Knattspyrna, Sund, UMFÞ

UMFÍ stendur fyrir Hreyfiviku sem hefst í næstu viku. Hreyfivikan (Move Week) er haldin um gjörvalla Evrópu og ætla Þróttarar að taka þátt. Við hvetjum alla til þess að taka þátt í Hreyfivikunni. Við höfum fengið skólann, leikskólann, félagmiðstöðina og Álfagerði til þess að taka þátt í Hreyfivikunni með okkur. Okkar markmið í Hreyfivikunni þetta árið er að fá fjölskylduna til þess að hreyfa sig saman.

 

Mánudagur: Mömmuæfingar. ALLAR mömmur velkomnar á æfingar hjá Þrótti þennan daginn. Hvetjum þær til þess að taka virkan þátt í æfingunum með börnunum.

Leikskólinn Suðurvellir: Staðarborg mun bjóða Háabjalla með sér í íþróttir í íþróttahúsinu. Einnig mun leikskólinn vera með aukna hreyfingu í vikunni fyrir allar deildir af tilefni Hreyfivikunnar.

 

Þriðjudagur: Eldri borgarar í Vogum stýra Boccia í íþróttahúsinu kl 20:00. Allir velkomnir.

 

Miðvikudagur: Skólinn verður með aukna hreyfingu og taka þátt í forvarnardeginum. Félagsmiðstöðin verður með leikjafjör í íþróttasalnum. Íþróttafjör í salnum verður fyrir 6. og 7. bekk kl 17:00 og fyrir 8.-10. bekk kl 20:00.

 

Fimmtudagur: Pabbaæfingar. ALLIR pabbar velkomnir á æfingar hjá Þrótti þennan daginn. Hvetjum þá til þess að taka virkan þátt í æfingunum með börnunum.

 

Föstudagur: Frítt í sund allan daginn. Hvetjum fjölskylduna til þess að fara saman í sund.

 

Laugardagur: Fjölskyldusamvera í íþróttahúsinu á milli 12:00-14:00. Börn verða að vera í fylgd með fullorðnum.Boðið verður upp á safa og ávexti.

 

Sunnudagur: Fjölskylduganga með Hilmari Agli göngugarpi. Gengið verður upp á Stapa og Grímshól. Farið verður af stað frá íþróttahúsinu kl 14:00.

 

„Við hættum ekki að leika okkur af því að við verður gömul, við verðum gömul af því að við hættum að leika okkur„ 

mynd1

Sundnámskeið fyrir börn á leikskólaaldri

Með | Fréttir, Sund, UMFÞ

Eins og undanfarin ár mun Þróttur bjóða upp á sundnámskeið fyrir börn á leikskólaaldri. Námskeiðin hefjast mánudaginn 12. maí og verða til 4. júní (4 vikur). Námskeiðið gengur út að það að börn venjist vatni, finni fyrir öryggi í vatninu og síðan verður farið í helstu sundtökin. Námskeiðið kostar 6.000kr og er það Rebekka Magnúsdóttir sundþjálfari hjá Þrótti sem verður með námskeiðin.

 

Námskeiðin verða á eftirfarandi tímum:
Börn fædd 2010 mánudaga og miðvikudaga 17:00-17:30 (Síli 1)
Börn fædd 2008 og 2009 mánudaga og miðvikudaga kl 17:30-18:15 (Síli 2)


ATHUGIÐ: Námskeiðin fara eingöngu fram ef næg þátttaka næst.


Skráning hjá framkvæmdastjóra í síma 868-5508 eða á netfangið throttur@throttur.net

SundNemó

PÁSKABINGÓ

Með | Fréttir, Íþróttaskóli, Júdó, Knattspyrna, Sund, UMFÞ

Mánudaginn 14. apríl verður hið árlega Páskabingó Þróttar.

Bingóið verður haldið í Tjarnarsal og hefst það fyrir yngri kynslóðina (12 ára og yngri) kl 18:00. Síðan hefst Bingó fyrir eldri kynslóðina (13 ára og eldri) kl 20:00. Bingóspjaldið mun kosta 400kr en þrjú spjöld saman á 1000kr.

Foreldrafélag Þróttar verður með sjoppu á staðnum.



Mætum öll og styrkjum gott málefni.

Sjáumst

Páska

 

Svava Arnardóttir áfram formaður Þróttar

Með | Fréttir, Íþróttaskóli, Júdó, Knattspyrna, Sund

Aðalfundur Ungmennafélagsins Þróttar var haldinn í félagsmiðstöðinni síðast liðið fimmtudagskvöld. Farið var yfir skýrslu stjórnar, ársreikningur lagður fram til samþykktar og kosið í stjórn. Svava Arnardóttir bauð sig aftur fram til formanns og var það samþykkt samhljóða. Íris Pétursdóttir og Guðmann Rúnar Lúðvíksson eru einnig áfram í stjórn. Ekki tókst að manna stjórn að fullu annað árið í röð og var stjórnarmeðlimum falið það verkefni að finna áhugasama einstaklinga til þess að vinna með stjórninni. Þrátt fyrir fámenna stjórn hefur stjórnin ásamt framkvæmdastjóra unnið vel saman.

Umræður hafa verið málefnalegar á stjórnarfundum og er starfsandinn þar mjög góður. Helga Guðrún Guðjónsdóttir, formaður UMFÍ, forfallaðist á síðustu stundu en fundurinn var ágætlega sóttur og voru umræður málefnalegar. Metnaðarfullt starf er unnið í öllum deildum, fjöldi barna og unglinga leggja stund á íþróttir hjá okkur, eina eða fleiri. Iðkendur Þróttar í barna- og unglingadeild eru tæplega 130 talsins. Fjórar deildir eru reknar, júdó, sund, körfubolti og knattspyrna. Einnig stendur félagið fyrir íþróttaskóla fyrir yngstu krílin einu sinni í viku. Fundargestir voru almennt jákvæðir og voru þeir einróma sammála því að stjórn Þróttar væri að gera góða hluti og ætti að vera sátt við starfsárið 2013.