júlí 2017

Gunni Hall reyndist okkur Þrótturum alltaf vel og stóð vel við bakið á okkur í hinum ýmsu verkefnum.
Hvetjum alla til að heiðra minningu Gunna með þátttöku í þessu skemmtilega framtaki sem verður vonandi árlegt.
Laugardaginn 22. júlí verður haldið stórglæsilegt golfmót á Kálfatjörn til minningar um Gunnar Hallgrímsson (Gunna Hall).
Mótsgjald er 4000kr og rennur allur ágóði af mótinu til styrktar GVS.

http://kylfingur.vf.is/frettir/minningarmot-um-gunna-hall-a-kalfatjorn/40491

Má bjóða þér að styrkja barna og unglingastarf Þróttar Vogum með þessum hætti ?

Ungmennafélagið Þróttur Vogum og Atlantsolía hafa gert samning um afsláttarkjör fyrir félaga í Þrótti.

7 kr. afsláttur pr. lítra á öllum AO stöðvum og auk þess renna 2 kr.af hverjum seldum lítra til UMFÞ.

Með því að smella á linkinn þá geturu skráð þig til leiks.

Kynntu þér málið á heimasíðu Þróttar. www.throttur.net

www.atlantsolia.is/atlantsolia/hopar/umsokn-{cdb688d7baa72ee021e7b265d711b729104e5d4df76eac3e5a49644974b85ae4}c3{cdb688d7baa72ee021e7b265d711b729104e5d4df76eac3e5a49644974b85ae4}berottur-vogum

Auðvelt að skráningarform og ef þú ert með lykil fyrir hjá AO þá þarf bara haka við á einum stað til að Þróttarar fái 2 kr. af seldum lítra.

Norðurálsmótið á Akranesi, Orkumótið í Eyjum, N1 mótið á Akureyri og Símamótið í Kópavogi.

ÞAR VORUM VIÐ

Þræottur þakkar þjálfurum, fararstjórum og foreldrum fyrir frábært starf í kringum stærri sumarmótin í knattspyrnu. Án ykkar væri þetta ekki mögulegt. 

Það er ekki langt síðan við fórum að sækja þessi mót, við erum alltaf að læra, alltaf að reyna bæta okkur og þrátt fyrir mistök hér og þar þá er þetta farið að ganga betur hjá okkur.

Við erum öll í sama liðinu…

Norðurálsmótið á Akranesi, Orkumótið í Eyjum, N1 mótið á Akureyri og núna um helgina kláraði hann þetta með Símamótinu í Kópavogi. Fór þetta fram fjórar helgar í röð og yfirleitt frá miðvikudegi til sunnudag.

Það þurfa öll félög að eiga einn Elvar! 🙂 Tilefni þess ætlum við að hafa myndina ekki í réttum gæðum.

Meistaraflokkur Þróttar tapaði síðast leik 10. júní á Ólafsfirði fyrir KF og hafa verið á miklu flugi undanfarnar vikur í 3. deildinni. Þróttarar eru komnir í toppbaráttu með 18. stig og ekki nema 3. stig í toppinn eftir góða sigra að undanförnu.

Strákarnir heimsækja næst lið Einherja á Vopnafjörð og fer leikurinn fram laugardaginn 22. júlí og hefst klukkan 14.

Við hvetjum Steina Ágústs og aðra góða Þróttara sem búa fyrir austan að fjölmenna á leikinn og styðja strákana til sigurs.

Föstudaginn 14. júlí á Vogabæjarvelli kl. 20
Þróttur Vogum – Berserkir 

Þegar deildin er hálfnuð þá sitja Þróttarar í 5. sæti og ekki nema þremur stigum frá sætinu sem okkur langar að vera í 16. sept. Þriðja deildin er jöfn og sex efstu liðin eiga góða möguleika og má reikna með ótrúlegri spennu í haust.

Síðasti leikur Þróttar var á móti Reyni og endaði 2-3 og gefur góð fyrirheit fyrir næstu verkefni. Stuðningsmenn okkar fjölmenntu í Sandgerði og góð stemmning var á pöllunum.

Það er mikilvægt að Þróttarar og aðrir bæjarbúar mæti á völlinn og verði okkar tólfti maður. Berserkir eru með gott lið og eftir erfiða byrjun hafa þeir verið að safna stigum í undanförnum leikjum. Flestir leikmanna liðsins eiga feril að baki í efri deildum.

Við erum líka frábærir og verðum með okkar allra besta lið til taks á föstudaginn.

Allir á völlinn og áfram Þróttur!!!

Bt: Ársmiðahafar!

Kaffi og létt bakkelsi verður í boði fyrir ársmiðahafa frá kl.19:00 til 19:45 í félagsmiðstöð. Sýna þarf árskortið við inngang.

7. flokkur tók þátt í Norðurálsmótinu á Akranesi.
6. flokkur tók þátt í Orkumótinu í Eyjum.
5. flokkur tók þátt í N1 mótinu á Akureyri.

Án foreldra og sjálfboðaliða þá væri ekki hægt að taka þátt í þessum frábæru mótum sem eru í boði fyrir æsku þessa lands. Það er hollt að vera hluti í Þróttarafjölskyldunni á þessum aldri og þarna verða til frábærar bernskuminningar.

Fararstjórar og aðrir foreldrar fá miklar og góðar þakkir fyrir gott samstarf og frábært starf síðustu vikurnar. Einnig fær Elvar Freyr þjálfari 5, 6, og 7. flokks þakkir fyrir frábært starf.
Það vantar ekki Þróttinn í allt þetta góða fólk sem skilaði þessari gleði til strákana.
(Það koma inn fleiri myndir á næstu dögum)

Næst eru það stelpurnar okkar sem taka þátt í Símamótinu. „Fylgist með“